وبس ضْحاك

[عبدزكريا]

بعدأن تجاوزعمرُهُ ال 63سنه قال لنفسه

قوم خَتْير عاد

راح العمر بالسيل

وماعاد لايقلك سهر بالليل

ولاعاد لايق ياصبي لعب الولاد

إي قوم ختيرعاد

هرّو وْراق العمر ورْقا بعد ورْقا

وكلشن ركدْتو وراالصبايا السمر

أخدتو الإيام سرْقا

ومارح بينْعاد

وهالصبيٍه السمرا

آخر سمرا حبيتا

وصار قلبك دِنْيتا وبيتا

وصارت إلَكْ متل الهوا والمي

وكنت معْها متل حاتم طي

ضاهرت وبْقيت وحدك

هيك عم تتذكّرا

هالسكَّرا

هاللي وجها متل فاتحْة الكْتاب

متل قرص الشمس مع قبل الغياب

راحت لحالا وترْكتك وحدك غريب بْلاد

لأحدا لفّاكْ ولا حدا مدِّلَّك الزاد

ولك قوم ختير عاد

قوم ختير عاد وشفْلك مصطبي (1)

عباب دار مْخرَّبي وقْعاد (2)

وتْخبّا وراك

راقب رَكيد الناس عالدنيا

وبس ضْحاك

الضحك ياصاحْبي وحدو الدوا

وان رَدْ مال الهوى فيك

قلّو ياهوى الله يخلّيك

هاللي كانو قْراب

صارو بْعاد

روح وبعِّد متلهم

خلّيك ذكرى

نتذكّرك بكرا

ونْسولف للولاد

عاشرط تبقا بلهوي ذكرى

تِنْذكر ماتنْعاد .

(1) المسطبي هي عباره عن مقعد من الطين كانوا يبنونه أمام البيوت الطينيه
في الريف السوري للجلوس عليه في ليالي الصيف الحاره
أو في أيام الشتاء البروده حيث الشمس تسطع عليه

(2) قْعاد أي أقعد .

[سارة مرتضى]

كلمات رائعة بلهجة محببة للقلب
ولكن يا أستاذي القدير
الكثير يقول بأن الحياة تبدأ بعد الستين
فهي أجمل وأروع عمر !
فلا أعلم صدق هذا القول ؟؟
تحية لك وكل التقدير

[عبدزكريا]

العزيزه ساره
دائماً مرورك مميز ويشي بأناقة الزنبق
وعطر الجوري ونفح النرجس
عزيزتي : يُقال إن لكل عمر حلاوته ورونقه
وأنا أتمنى أن يكون عمرك كله شباب وسعاده وروعه
تقبلي شكري وتحيتي

عبدزكريا