عبدزكريا
01/11/2011, 03:24 AM
بتتذكري كيف كنا ظغار ؟.
ونلبس سراكس لونْهارْمادي
ونْفيق قبل الشمس
مع عصافيرالتين
تانسرِّح الجدْيات مع بُطْمان (1)
ولك سقالله شْقَدْ وَقْتا (2)
كانت الدنيا أمان
وهالبْواب مْفَتَّحا
والهوا عم يلعلع في المْعِديّات
والناس تِبْقا عالعْتاب مْلَقّحا (3)
وإنتي وأنا نفْقعْ ضحك
لك كيف أمك جابت الأمباز من برّا
وفاتت تاتطفي الكاز
قامت حَرْقت القبّي
وأبوكي وهوّي ونايم ناولا ضربين في العكّاز
قامت زورتو هيك وقالتلو
ولك تقْبراحبوك من غيري
قوم حاجي نوم
بدنا نْرتَّب الأوضا
وبْنزلتك عالشام
تبْقا اشتْريلك طقم عالموضا
بتْصير عايق هيك ومْلَبَّقْ
وتشبه جرناالأستاز
ولك آمني : إصحا تْكوني حاطّا عينك عليه
والله بَقِبْرك طيبي
روحي افتحي هالراديو
تانسمع الأخبار
دول اليهود مْعندين
رح ياخدو منا فلسطين
ونحنا بالحكي زدناالبلّي طين
وان ضلت الحلي عهاللون
إي رح يوصلوالكفار عنا هون
والحكايي شي بضحِّك شي ببكي
بْراسنا وسواس وبجنابنا حَكّي
جينا تانتعلم عالقْواس
ماطلعت الدكّي .
الهوامش
1: بُطْمان هو إسم راعي غنم كان يرعى الغنم عندنا
(2)مْلَقّحا :أي نائمه بلاإنتظام
ملاحظه : جرت أحداث هذه الحكايه في أربعينات القرن العشرين .
عبدزكريا
ونلبس سراكس لونْهارْمادي
ونْفيق قبل الشمس
مع عصافيرالتين
تانسرِّح الجدْيات مع بُطْمان (1)
ولك سقالله شْقَدْ وَقْتا (2)
كانت الدنيا أمان
وهالبْواب مْفَتَّحا
والهوا عم يلعلع في المْعِديّات
والناس تِبْقا عالعْتاب مْلَقّحا (3)
وإنتي وأنا نفْقعْ ضحك
لك كيف أمك جابت الأمباز من برّا
وفاتت تاتطفي الكاز
قامت حَرْقت القبّي
وأبوكي وهوّي ونايم ناولا ضربين في العكّاز
قامت زورتو هيك وقالتلو
ولك تقْبراحبوك من غيري
قوم حاجي نوم
بدنا نْرتَّب الأوضا
وبْنزلتك عالشام
تبْقا اشتْريلك طقم عالموضا
بتْصير عايق هيك ومْلَبَّقْ
وتشبه جرناالأستاز
ولك آمني : إصحا تْكوني حاطّا عينك عليه
والله بَقِبْرك طيبي
روحي افتحي هالراديو
تانسمع الأخبار
دول اليهود مْعندين
رح ياخدو منا فلسطين
ونحنا بالحكي زدناالبلّي طين
وان ضلت الحلي عهاللون
إي رح يوصلوالكفار عنا هون
والحكايي شي بضحِّك شي ببكي
بْراسنا وسواس وبجنابنا حَكّي
جينا تانتعلم عالقْواس
ماطلعت الدكّي .
الهوامش
1: بُطْمان هو إسم راعي غنم كان يرعى الغنم عندنا
(2)مْلَقّحا :أي نائمه بلاإنتظام
ملاحظه : جرت أحداث هذه الحكايه في أربعينات القرن العشرين .
عبدزكريا