مشاهدة النسخة كاملة : شِويّة وَجـع
أحمد فؤاد
11/12/2008, 12:36 PM
http://thumbs.bc.jncdn.com/3616a7fa22819bcb992c2fec5ec4e5f1_lm.jpg
الحُزن .. الحُب .. الفَرح .. الألم .. الضياع .. التشتـّت
الغموض .. النَرجسيه .. الوَحشه .. الغُربه
الأمل .. اليأس .. الأبيض .. الأسود
الأنا
لأسباب كهذه .. أكتب
لأسباب كهذه .. أنزوي
أبتعد عن دائرة الضوء .. وسط شِتاء الوِحدة .. وأمَطار اليأس
لأسباب كهذه .. أحتوي العزله
و أتدثَّر بعباءة الحرف
و أعلّق معطف الفُصحى لدقائق
لأكتب كما أفكّر ...
كما أعيش ...
كما أنا .!!!
لهذا .. أطالب الجموع بترك الفرح خارجاً
قبل الدخول في صومعة الحزن
لتذوق معنى الألم .. و الوجع .
و الآن .. لتصمت الأجراس .. و ليخفت الضوء
و لتُشاركوني النزف ..
أحمد
أحمد فؤاد
11/12/2008, 12:37 PM
أحزانا ساكنه فينا .. من أول الولاده
و جراحنا صاحيه فينا .. بتدوَّر عن زياده
و قلوبنا بتنادينا .. تسألنا عن سعاده
ما خلاص تاهت قلوبنا .. وأخدنا الحزن عاده
أحمد فؤاد
11/12/2008, 12:40 PM
كل يوم الحلم فينا بيتخنق
عايزين نعيش .. عايزين نطير
و جوَّانا ورد بيتحرق
الدنيا تضحك بكل لون
ونظرنا من الدمع اتسرق
وفى عز ألمنا وجرحنا
نسينا أهم شئ باقيلنا
نسينا حلم بيتخلق
فى القلب عايز يتولد
أحمد فؤاد
11/12/2008, 12:42 PM
طول ما الشمس بتطلع كل يوم
هيكون فيه أمل
هيكون فيه حياه
هيكون فيه حب
هيكون فيه عشق
هيكون فى حزن
هيكون فيه ألم
هيكون فيه خير
هيكون فى نبض فى القلوب
هيكون فى ضحك يملا الدنيا
.
.
.
.
.
.
.
إييييييييييييييه أنت رحت فين يا بنى
..
.
.
.
مش لما الشمس تبقا تطلع الأول !!!!!!!
أحمد فؤاد
11/12/2008, 12:44 PM
لمَّا الدنيا تليّل .. و الكون يسكت
والعصافير تنام
و محلات القلب المِفتَّحه تقفل ..
وتلم الكراسي اللي قاعد عليها ناس كتير .. بتدوس عليه
وكل ما تقول خلاص .. شطّبنا
يدوسوا اكتر ..
تطنّش .. وتقعد بعيد فى الليل لوحدك
تطلّع صوره صغيره حاططها فى محفظتك .. بعد ماطبعتها على ورقه
تبص عليها .. تتأملها
وتحضنها و تحطها على صدرك .. تتغطى بيها وتنام !!
ومن بعيد التمرجي يقول ..
هو الواد ده إيه اللي خرجه من العنبر !!!!!!!!!!!!!!!!!!!!!!!!!!!!!!!!!!
زينب الحافظ
11/12/2008, 02:22 PM
الأديب الرائع الأخ أحمد فؤاد
وتكتب من قلب صادق تنيره شمعة الأمل
رغم حلكة الظلام
فما أضيق العيش لولـــــــــــا فسحة الأمل
رائعة
\
زينبــــــ
أحمد فؤاد
11/12/2008, 05:06 PM
الأديب الرائع الأخ أحمد فؤاد
وتكتب من قلب صادق تنيره شمعة الأمل
رغم حلكة الظلام
فما أضيق العيش لولـــــــــــا فسحة الأمل
رائعة
\
زينبــــــ
الأديبة الرائعة / زينب الحافظ
مروركِ أضفى على الموضوع جمالاً ...
شُطراً لمروركِ العذب...
ودّي
أحمد فؤاد
أحمد فؤاد
11/12/2008, 05:07 PM
قعدنا في الغيط نلعب مع بعض
قالتلي أختي الصغيره
افتح الهويس يا أحمد .. عايزه أشوف الميّا مغرَّقه الزرع
قلتلها لأ مش هافتحه علشان الزرع مايموتش
زِعلت مني وقعدت تبكي بعيد
بس أنا صممت على موقفي
و فتحت الهويس .. لأني مقدرتش أشوف دمعتها على خدها
مع إنى غرّقت بإيدى كل الزرع .. وغرّقت نفسي أنا كمان معاها .!!!!!
أحمد فؤاد
11/12/2008, 05:09 PM
أنا اللي بِنار الحُب و الغرام انكوى
قُلت حُب جديد يمكن يكون الدوا
ملَقتش غير سَراب و قلب مَليان خوا
كَتبت على قلبي إنه .. ملعون أبو الهوا
وعجبي* ...
أحمد فؤاد
* من وحي رُباعيات صلاح جاهين
أحمد فؤاد
11/12/2008, 05:10 PM
"كل يوم يساوى أمل جديد وحلم جديد
و في طريق حلمنا
بتقابلنا مشاكل كتير , و مطبّات أكتر
لازم نتعب علشان نوصل ليها
لكن أنا مصمم أوصل لنهاية الطريق , و كلّي عزيمة كمان
هأنجح . رغم أنف الجميع , و هأوصل لهدفي مهما كلفني الأمر و بالمبادئ .. وبالأخلاق
مستحيل الظلم يبقا
و مستحيل الناجح هيخسر
أيوة لازم أحاول .. و أكيد هانجح."
.
.
.
.
.
.
.
.
.
.
من مذكرات شاب عايش فى دنيا تانية خالص !!!!!!
أحمد فؤاد
11/12/2008, 05:13 PM
قالها انتي فى قلبي .. أنتي ساكنه جوا مني
قالتله برضه مقولتليش .. تقدر تسيبني
قالها .. مقدرش أنسى أغلى حب
مقدرش أنسى أرق قلب
قالتله برضه مقولتليش .. تقدر تسيبني
قالها .. طب قوليلي إنتي حتى
الحياه من غير ملل مش تبقا أحلى
قالتله برضه مقولتليش .. تقدر تسيبني
قالها .. مقدرش أعيش إلا بعينيكي
و أملي أكون أنا بين إيديكي
قالتله .. حبيبي برضه مقولتليش .. تقدر تسيبني
طبطب عليها وضمها ..
نامت فى حضنه
وتاني يوم .. لقيت ظرف جنبها
فيه جواب .. مكتوب عليه
" هارجع في يوم ونعيش سوا "
دموعها سالت على خدها
و غرق الجواب .. في دمعها .!!!!!
زينة عادل
11/12/2008, 05:17 PM
احمد فؤاد
اششششششش
سألملم ثوبي وأسير بين الحرف على الهوينى
خوفا من افساد جمال هذه اللوحات
معـــــــــك منصتة وبشوق
دمت بكل الحب
أحمد فؤاد
11/12/2008, 05:17 PM
كانوا هناك
شايفنهم .. و عارفنهم
........ باين عليهم
هيا .........
واقفه من بعيد .. تحت الشجر
كان الشجر لونه أصفر .. ورق خريف
فُستانها أبيض .. زي الحليب
.. وفيه رُقَع
يمكن كانت تحت الشجر
جايز ورقها يغطّي الرُقَع
شافها .. جري
مجنون وحَس بالوجع
من شكلها ...
من حزنها الباين عليها ..
حَس بمعني جرحها ...
استغربوا .. اتعجّبوا
هيا كمان استغربت
نظراتها خايفه تعترف ..
مع ان قلبه شافها وعرف
حاول يغطي ألف رقعه ..
لقاهم بحر ماينتهيش
سالت دموعها ...
مفضلش غير حاجه لازم تتعمل
وبكل جرأه ومجدعه
فتح دراعه بكل شوق
خباها جوه حضن قلبه
.. وضمها
أحمد فؤاد
11/13/2008, 01:14 PM
رسالة إلى قلبي
إنت مينفعش تفرح بقولهالك أهوه
ما هو أصل العيب فيك
يا إمّا العيب في ....
فيك برضه !!!!!!!!!
أحمد فؤاد
11/13/2008, 01:16 PM
قالولي تعالى نروح لدنيا من الخيال
يمكن نلاقى فيها حاجه نحبّها
نلاقى فيها حاجات مش بنحسها
قلتلهم بلاش .. استغربوا
قلتلهم يا تاس أنا لسه من هناك راجع
يا ناس جايلكم وحالف مانا راجع
ردوا عليا وقالوا.....
إرجع مطرح ما جيت متقلبش علينا المواجع !!!!!!!!!
أحمد فؤاد
11/13/2008, 01:17 PM
ما انا قلت عامل حسابي
وفاتح فى جرحي خرم كبييييييييييييييييير
اسمه .. قلبي !!!
أحمد فؤاد
11/13/2008, 01:19 PM
يمكن صحيح الجنان يكون مكان
... ارتاح فيه
لكن ساعات بخاف من الجنان
أصل احنا نحب نتجنن
بس منحبش حد يقول علينا مجانين
أصلنا كده هنخرج من حياة اللى بيقولوا على نفسهم.....
عاقلين .!!!!!
مع إن احنا اللى عاقلين
وهما اللى مجانين .!!!!
و صدوقنى مبقتش تفرق كتير
أصل الاتنين دلوقتى
مش عايشيين !!!!!!!!!!!!!!!!!!!!!
أحمد فؤاد
11/13/2008, 01:20 PM
رساله إلى قلبى
إنت مينفعش تفرح بقولهالك أهوه
ما هو أصل العيب فيك
يا إما العيب فيـ ......
فيك برضه !!!!!!!!!
أحمد فؤاد
11/13/2008, 01:22 PM
ندهت عليّا سِمعتها ..
مع إنها مقالتش كِلمه
بَس سمعتها ..
حسّيت بنبض قلبها ...
بيقول تعالى .. شِدّني
لدُنيا تانيه .. ارتحلها
تعالى خُدني و طير في الهوا
خَليني أبكي و أقول كلام من القلب الأبيض
لَوّنلي عُمرى بلون نسيته في دُنيا كرهتها
و جريت و أنا .. مادد إيديا .. أخدتها
و طلعنا نجري من غير ماتسأل حتى فين
مش مهم .. أصل المهم عندها
إن مهما يطول العمر .. أفضل دايماً جنبّها
ناهدة حجازي
11/13/2008, 05:06 PM
أتابعك أحمد ،،
حيث تذكرني بـ شخص عزيز
كنت كلما مررت من جانبه وهو شارد في سنين العمر
أسمعه يردد أجمل الأشعار
تحيتي لك ،،
أحمد فؤاد
11/13/2008, 05:13 PM
احمد فؤاد
اششششششش
سألملم ثوبي وأسير بين الحرف على الهوينى
خوفا من افساد جمال هذه اللوحات
معـــــــــك منصتة وبشوق
دمت بكل الحب
زينة عادل ...
وجودكِ سيمفونية عذبة .... ترقص عليها الحروف ...
أنتظر نزفكِ .....
كُل الود لكِ
أحمد فؤاد
أحمد فؤاد
11/13/2008, 05:16 PM
أتابعك أحمد ،،
حيث تذكرني بـ شخص عزيز
كنت كلما مررت من جانبه وهو شارد في سنين العمر
أسمعه يردد أجمل الأشعار
تحيتي لك ،،
ناهدة ....
أعترف أنكِ تزرعين الدهشة في نفسي ...
أجدكِ مُتابعة لحرفي حيث لا أتوقّع ...
و أعترف أيضاً أن هذا يغمرني بسعادة ...
تِلك اللغة يا سيّدتي ... تشعرني بأنني أنا ..
خاصة إن تعمّقتِ فيها ....
بعيداً عن كُل الغثّ ... ستعشقين روعتها .!!!!
أنتظر نزفكِ إن أردتِ ناهدة ....
تقديري ...
أحمد فؤاد
أحمد فؤاد
12/25/2008, 12:53 PM
حاسس و شايف نظرة عنيّا
تقولي أنت سامع؟ ,,,, بتنّده عليك..
بتنده عليّا .. ؟؟!!!!
أسرح و أفكّر
و أقول هو ممكن تدوّر عليّا
بعد الغياب .. و كُل العذاب
و أصرخ أنادي .. يمكن هتسمع
و يمكن ساعتها تنسى و ترجع
تنوّر حياتي و كُل اللي فات
و أرجع و أقول مش بتنده عليّا
و قلبي يقولي بتسأل عليك
و خايف أدوّر
ألاقي إنّي واهم
و أقول اللي فيّا
تقولي أنت مين؟!!
منى الحموي
12/26/2008, 08:01 AM
منذ الحرف الاول تخطفنا السنارة تشدنا ونشدها
ولا نستطيع الافلات حتى نتعلق بها
فنخرج من بحر شعرك وقد انهكنا تعب ممتع نتمى ان لا يتوقف
جميل بل رائع ماكتبته لنا
منى الحموي
12/26/2008, 08:04 AM
منذ الحرف الاول تخطفنا السنارة تشدنا ونشدها
ولا نستطيع الافلات حتى نتعلق بها
فنخرج من بحر شعرك وقد انهكنا تعب ممتع نتمى ان لا يتوقف
جميل بل رائع ماكتبته لنا [size="4
عبدالعزيز سمير
01/18/2009, 01:28 PM
أوجعت بإتقااان
لل درك
بوركت وسلمت
ولك التحية والتقدير
أحمد فؤاد
02/01/2009, 10:18 AM
منذ الحرف الاول تخطفنا السنارة تشدنا ونشدها
ولا نستطيع الافلات حتى نتعلق بها
فنخرج من بحر شعرك وقد انهكنا تعب ممتع نتمى ان لا يتوقف
جميل بل رائع ماكتبته لنا
منى الحموي ...
أشكركِ على مروركِ الرقيق ، و أتمنى أن أكون عند حًسن الظن بي دائماً ..
و مرحباً بك بين حروفي المتواضعة ..
ودّ
أحمد فؤاد
أحمد فؤاد
02/15/2009, 02:29 PM
أوجعت بإتقااان
لل درك
بوركت وسلمت
ولك التحية والتقدير
شكرا لك أخي العزيز على مرورك الكريم
و أتمنى مرورك الدائم
تقديري
أحمد فؤاد
سلمى العربية
02/18/2009, 01:31 AM
كنت أظن وأنا صغيرة أن الدم يأتي من خارج الجسد
وعندما كبرت وعلى يد جرح عميق أدركت العكس