أمثال من لبنان وسوريا

[صفاء حجازي]

فوق الدكة ... شرطوطة

قالوا للبغل مين أبوك ؟ قال الحصان خالي

قتل القتيل ومشي بجنازته

شو إلك بالقصر قاللو امبارح العصر

صهر بيسند الضهر وصهر بيجيب المجرفة للقبر:)

حارة وشبابيكها حمر ، والعيشة فيها بتقصف العمر

بدل ما تقول للدجاجة كش اضربها اكسر لها رجلها

إجريها عوج وبدها بابوج

اللي ما بدو يزوج بنته بيعلي مهرها

الناس بدارك والمفتاح بزنارك

;)إذا كنتِ وحشه كوني نغشه (((الحلاة حلاة الروح)))

بزرعك بين البقدونس بلاقيك بين الكزبرة..(بينقال لما بتعمل للشخص كل شي وبتأمنله و بتساعده كل شي وبيفشل على طول)

إللي بيكبّر فشختو بيوقع...(إي والله)

اللي بيعوز الكلب بيقوله صباحك خير ياسيدي

حظو من السما الي ماعندو حما..(مودايما)!!!

[زينة عادل]

اضحكك ربي يا صفاء قاعدة اردد الامثال على امي والعائلة هههه

تسلم ايديك يا غالية

[كوثر الصافي]

.
تحفة يا صفا

وأضيف:

طب الجرّة ع تمّا...بتطلع البنت لإمّا

القرد بعين إمّو غزال

من قلة الرجال سموا الديك أبو علي

بيّو بصل وأمّو توم، ومن وين بدها تجي الريحة الطيبة؟

متل الحمّام المقطوعة مايتو

الإيد اللي ما فيك تعضها، بوسها وادعي عليها بالكسر

قالوا يا فرعون مين فرعنك .. قال ما لقيت حدن يردني

طنجرة ولقيت غطاها

كاسر إيدو وعم يشحد عليها

ما بيحك جلدك إلا ظفرك

احترنا يا قرعة منين بدنا نبوسك

عرَج الجمل من شفتو

وِجّو بيقطع الرزق

الولد ولد... لو حكم بلد (هيدا اختصاصي :d )

الجمل لو بيشوف حردبتو بيوقع وبيفكّ رقبتو


تعبت يا صفا بعد عندي اشيا كتير حافظيتا لذلك برجع.

محبتي

/

[صفاء حجازي]

اضحكك ربي يا صفاء قاعدة اردد الامثال على امي والعائلة هههه

تسلم ايديك يا غالية



زينة

دامت البسمة على شفاك أيتها الرقيقة




كوني بخير دوما

[صفاء حجازي]

.
تحفة يا صفا

وأضيف:

طب الجرّة ع تمّا...بتطلع البنت لإمّا

القرد بعين إمّو غزال

من قلة الرجال سموا الديك أبو علي

بيّو بصل وأمّو توم، ومن وين بدها تجي الريحة الطيبة؟

متل الحمّام المقطوعة مايتو

الإيد اللي ما فيك تعضها، بوسها وادعي عليها بالكسر

قالوا يا فرعون مين فرعنك .. قال ما لقيت حدن يردني

طنجرة ولقيت غطاها

كاسر إيدو وعم يشحد عليها

ما بيحك جلدك إلا ظفرك

احترنا يا قرعة منين بدنا نبوسك

عرَج الجمل من شفتو

وِجّو بيقطع الرزق

الولد ولد... لو حكم بلد (هيدا اختصاصي :d )

الجمل لو بيشوف حردبتو بيوقع وبيفكّ رقبتو


تعبت يا صفا بعد عندي اشيا كتير حافظيتا لذلك برجع.

محبتي

/



شكرا إلك يا هادية على هالإضافات الجميلة


ود لعينيك

[عماد تريسي]

جبتلكن اللي ما لحقتو يا صفاء و هادية . . .

\\

اجا ليكحلها عماها

الآخرة يا فاخرة

أدن من طين وادن من عجين

اذا الصغير انتشا الكبير باس ايدو

أصابيعك بأيدك مو كلا سوا

أعزب دهر ولا أرمل شهر

الأعور بين العميان ملك

أكبر منك بيوم أعرف منك بسنة

أكل ومرعى وقلة صنعة

ألف عين تبكي وعين أمي ما تبكي

ألف قلبة ولا غلبة

ألف قولة جبان ولا قولة الله يرحمه

إن داقت عليك المخازن مخزنك عبك

إن عاب عليك أصلو دلايلو فعلو

إن كان حبيبك عسل لا تلحسو كله



مودتي

[عماد تريسي]

و كمااااان . . . .



ايد واحدة ما بتصفق

ايدين دكك ورجلين سكك

ايلول دنبو مبلول

ايمتا كنا والشمس ترقعنا

باللعب والأمزاح تشتفي الأرواح

بالوش مراية وبالقفا صرماية

بتقولو تور بيقلك حلبو

بتموز بتغلي المية بالكوز

البحر ما بتعكرو ساقية

البخشيش بالدرهم والعطا بالقنطار

بدك تعمل جمَّال علّي باب دارك

بدوب التلح وببان المرج

بصلتو محروقة

بيخطف الكباية من راس الماعون

بير مالو قرار

بيعمل من الحبة قبة

بيعمل من الزبيبة خمارة

بيقتل القتيل وبيمشي بجنازتو




مودتي

[صفاء حجازي]

الله عليك يا عم عماد

يسلموو هالإيدين




ودي دائما لك أستاذنا

[ليلى العيسى]

أمسْ كنت أملي على صديقتي بعض هذه الأمثال
قلت لها .. كلّ الأمثال تشبه أمثالنا (مين سرق من مين) ردّت
(جدّهم واحدْ)
حلاوة الأمثال اختلاف اللهجات .. رائعة يا صفاء ، شكرًا لكِ و لهادية و عمادْ

[صفاء حجازي]

أمسْ كنت أملي على صديقتي بعض هذه الأمثال
قلت لها .. كلّ الأمثال تشبه أمثالنا (مين سرق من مين) ردّت
(جدّهم واحدْ)
حلاوة الأمثال اختلاف اللهجات .. رائعة يا صفاء ، شكرًا لكِ و لهادية و عمادْ


ههههههه
نعم

صدقَتْ

وماهذا التشابة إلا لأن جذورنا واحدة


شكرا لك حبيبتي ليلى

[مروة جودت]

:eek::eek:الحلوة حلوة من فايت نومة

والبشعة بشعة من طلعت حمام

يا داخل بين البصلة وقشرتها ما بتنويك إلا ريحتها

سلام سوسو كيف أمورك

إن شاء الله درست شي للأمتحان

يلا روحي ادرسي

هذا وقت امتحان مو وقت نكث

[مروة جودت]

صفاء الحبيبة وينك يا حلو

عم تدرسي

اسمعي هذا المثل

عنكبوتة شافت بنتى عالحيط قالتلى تسلميلي متل الولية بالخيط

[صفاء حجازي]

هلا مروة

جيتك يا أمورة

شكرا شكرا

إبداعات سوريا ولبنان:)


محبّتي يا غالية

[حسن بركات]

أنت بحق للشعر كنبع صنين للبنان.
سامعة هالمثل:
إجت التنية تعلم أمها الرعية
يا بادل الشخلة بالنخلة
مكتوب ع باب الجنة: الحمى ما بتحب الكنة (على ذمتهم)
مثل جميل:
اللي بيكل من صحن السلطان بيضرب بسيفو

قاضي الولاد شنق حالو

[إيمان أمين]

الفاضلة صفاء حجازي وجميع الرفاق../ شكراً لكم هذه المساحة الرائعة..
هذه الأمثال الشعبية ، نحفظها دائماً في ذاكرة القلب..وأضيف مما في جعبتي:
:

"صدر البيت لكم والعتبة لنا"

"زوان بلادك ولا قمح الصليبي"

"كل ديك على مزبلتو صيّاح "

"لا بيرحمك ولا بيخلي رحمة الله تِنزل عليك"

اللقمة اللي بتمو ما هي إلو"

"مثل الأطرش بالزفّة"

"ما بيعرف كوعو من بوعو"

"يا مستعجل وقف لقلك"

"يا جبل ما يهزك ريح"

"بتقلو تيس بيقلك احلبو"

"عنزة ولو طارت"

"يا رايح كثّر من الملايح"

"يا أرض اشتدي محدا قدي"

"علمناهن الشحادة سبقونا عالبواب"






بكل المودة والتقدير



..