الشعر

[نجدي حاطوم]

درب الحب . ضحكه طفل

غنّيه

غنجه صبيه مدلله

بتمسك بأيديها صفير الريح

بتصير نسمه عطر

وبيفوح . وبيملي العمر

اشواق حنيه

الشعر

عيون الجبل

ومكحله بنسمات مشتاقه

وكاسات مليانه نعس

بتخاف طله نوم

بتقطف نجم . بتسهرو

يضوي مساحات المدى

وخيال. مشلوح بغصن

تاكي على صدر الوجع

ليخدرو


وعاشق بيبعث جروح التعب

تنقط على وراق العتب

كلمات

وبيحمل الاهات مرجوحه

وبيمرجح بواب الحكي

بينزل مطر وحروف

بيطلع شجر

اسمو الشعر

[حكمت البيداري]

درب الحب . ضحكه طفل

غنّيه

غنجه صبيه مدلله

الصديق نجدي حاطوم

ياشجر الشعر

ياهيك الدلال يابللا
غنية شهد بيقطر حلا
من بيت حاطوم، بيت الأدب
والفلسفة والعلم دايم في العلا

مع التقدير

[عبدالوهاب موسى]

أهلا
وسهلا
ومرحبا بك أخى الحبيب نجدى
وبورك حرفك الأدبى المنتج فلسفة الشعر وماهيته بطريقة إبداعية.
لك محبتى فى الله

[رائد أنيس الجشي]

يا لهذا الجمال
(عيون الجبل

ومكحله بنسمات مشتاقه

وكاسات مليانه نعس

بتخاف طله نوم

بتقطف نجم . بتسهرو

يضوي مساحات المدى

وخيال. مشلوح بغصن

تاكي على صدر الوجع

ليخدرو)

دوختني


محبتي

[أصيلة المعمري]

دوما ما يدهشني
هذا الشاعر
وفي كل مكان


لله درك