مش لزمانى [الأرشيف] - ملتقى الحكايا الأدبي

مشاهدة النسخة كاملة : مش لزمانى

د.ابراهيم ابوزيد

11/26/2009, 04:36 PM

كلمة احبك مش لزمانى ..... كل حروفها مش همانى
كدبة كبيرة جرحت قلبى ..... اوعى تقولها وتكدب تانى
كلمة احبك مش لزمانى
***
مستنية بشوقى وحبى ..... بحر العشق وبحر حنانى
لكن قلبك زى المركب ..... زارت قبلى وبعدى موانى
باعت فيهم مليون كلمة ..... جايه تبيع لى الوهم اغانى
كلمة احبك مش لزمانى
***
كنت بدوب من همسة ونسمه ..... كانت البسمة هيه زمانى
كنت اتمنى نص الكلمة ..... نص الوردة تملى كيانى
وانت جنينه فاتحه بيبانها ..... مافيهاش وردة باقية عشانى
كلمة احبك مش لزمانى
******

سارة مرتضى

11/26/2009, 10:47 PM

عذبة لهجتكم المصرية

وخاصة لو كانت تتكلم عن الحب

تحية لكـ د / أبو زيد

وباقة ياسمين

حكمت البيداري

11/28/2009, 12:29 AM

دكتورنا العزيز

غنائية حلوة الكلمات والنغم طربي غاية الروعة
وكمان كوبلية وتبقى غنيوة عتاب رقيق من حبيب لحبيب

دمتم ودام نبضكم بهذا الجمال

رعاكم الرب

دينا سعيد عاصم

12/02/2009, 08:56 PM

والله فتحت نفسى يادكتور ابوزيد.....ما اجمل لهجتنا...انتظرنى فى .."شوف الامل"

حكايا